Sæbraut­ar­stokk­ur­inn á að verða um kíló­metra lang­ur, frá Vest­ur­lands­vegi og norður fyrir Klepps­mýr­ar­veg. Sam­kvæmt til­lögu að áfanga­skipt­ingu verk­fram­kvæmda sem sett er fram í mats­á­ætl­un­inni stendur til að fram­kvæmdir hefj­ist í sept­em­ber 2024 og standi allt fram í júlí árið 2027.

Sæbraut­ar­stokk­ur­inn er ein fram­kvæmd­anna í sam­göngusátt­mála höf­uð­borg­ar­svæð­is­ins. Sam­kvæmt þeirri fram­kvæmda­á­ætlun sem kynnt var við und­ir­ritun hans árið 2019 átti verkið að hefj­ast í fyrra og ljúka á þessu ári.

Grafa þarf níu metra niður

Þorra fram­kvæmd­ar­tím­ans verður umferðin um Sæbraut­ina á 1+1 vegi á þessum kíló­metra­langa kafla, en til stendur að grafa fyrir stokknum í nokkrum áföng­um. Fyrst stendur til að grafa eystri akbraut Sæbrautar alla leið niður á klöpp og byggja brú fyrir gang­andi og hjólandi umferð sunnan stokks­ins, við slaufugatna­mótin stóru á Vest­ur­lands­veg­in­um.

Nokkrar bygg­ingar sem standa við aust­ur­hlið Sæbraut­ar­innar í dag „eiga að víkja vegna breytts skipu­lags“ sam­kvæmt því sem segir í skýrsl­unni og má ætla að þær þurfi að víkja sam­fara fram­kvæmd­unum sem eru áætl­aðar í fyrsta áfanga.

Í öðrum áfanga á að flytja umferð­ina á bráða­birgða­veg sem lagður verður ofan á klöpp­ina á eystri hluta Sæbraut­ar­inn­ar. Á þessu stigi verður haf­ist verður handa við að grafa fyrir vest­ari hluta stokks­ins.

Í þriðja áfanga verks­ins á svo að full­gera vest­ari hluta stokks­ins, auk þess sem tíma­bundin brú verður byggð fyrir umferð gang­andi og hjólandi nokkru sunnar við Skeið­ar­vog.

Í fjórða áfanga verður svo umferð bíla flutt í vest­ari hluta stokks­ins og gatna­mót byggð upp við Klepps­mýr­ar­veg. Á þessu tíma­bili fram­kvæmd­anna verður sprengt og grafið fyrir eystri hluta stokks­ins og hann full­gerð­ur.

Það er svo ekki fyrr en í fimmta áfanga verks­ins sem bíla­um­ferð verður komin á báða hluta stokks­ins á 2+2 vegi. Áætlað er að það verði í jan­úar 2027, eins og til­lögur að fram­kvæmda­á­ætlun líta út.

Fram­kvæmdum á svo að ljúka síðla árs 2027 og þá á yfir­borð stokks­ins að vera frá­geng­ið.

Þurfa 50-70 tonn af sprengi­efni

Í mats­á­ætl­un­inni segir að almennt þurfi að grafa sig niður um 9 metra til þess að koma fyrir veg­stokki. Áætlað er að á þessum kafla Sæbraut­ar­innar verði um fjórir metrar af níu laus gröft­ur, en svo taki við um fimm metrar af klöpp. Enn er þó unnið að frek­ari jarð­vegs­rann­sóknum á svæð­inu.

Í skýrsl­unni segir að gert sé ráð fyrir því að hluti klapp­ar­innar verði los­aður með fleyg­un, en hluti með spreng­ing­um. Áætlað magn spreng­is­efnis sem þarf er á bil­inu 50-70 tonn.

Fram kemur í mats­skýrsl­unni að loft­hæðin í stokknum eigi að verða um 6,5 metr­ar, en heild­ar­breiddin stokks­ins verði almennt um 30 metr­ar, en þó nokkru meira við rampa að og frá Klepps­mýr­ar­vegi og Skeið­ar­vogi. Breidd stokks­ins á botni graftar verður almennt um 34 metr­ar.

Alls er ráð fyrir að losa þurfi 332.000 rúmmetra af jarð­vegs­efni á fram­kvæmda­tím­an­um, en áætl­anir gera ráð fyrir því að umfram­efnið verði keyrt á los­un­ar­staði við fram­kvæmda­svæðið – „t.d. í Sunda­höfn, Bryggju­hverfi eða Sunda­braut háð stöðu þeirra fram­kvæmda á fram­kvæmda­tíma.“

Sam­göngu­teng­ing­ar, ný byggð og úti­vist­ar­svæði ofan á stokknum

Í aðal­skipu­lagi Reykja­vík­ur­borgar fram til árs­ins 2024 kemur fram að meg­in­mark­mið með gerð stokka sé að bæta umhverf­is­gæðin í aðliggj­andi byggð og tengja betur saman hverfi sem eru nú aðskilin með umferð­ar­þungum stofn­braut­um. Sæbraut­ar­stokk­ur­inn mun einnig greiða götu Borg­ar­lín­unn­ar, sem á að þvera núver­andi legu Sæbraut­ar­inn­ar.

Ofan á stokknum og á svæð­unum sem í dag fara undir veg­helg­un­ar­svæði Sæbraut­ar­innar verður einnig hægt að skipu­leggja nýja byggð, úti­vist­ar­svæði og fleira. Borg­ar­yf­ir­völd í Reykja­vík völdu í febr­úar síð­ast­liðnum eina til­lögu um skipu­lag ofan á stokkn­um, frá Arkís og fleirum, til þess að vinna áfram með í kjöl­farið á því að ráð­ist var í hug­mynda­leit, þar sem fimm teymi settu fram til­lögur sínar að skipu­lagi í kringum stokk­inn.

Til­­lögur tey­­manna fimm gerðu allar ráð fyrir því að ofan á stokknum og til hliðar við hann gæti orðið tals­vert mikið magn bæði íbúð­­ar- og atvinn­u­hús­næðis eða umfangs­­mikil græn svæði, auk teng­i­­stöðvar fyrir Borg­­ar­línu, sem á að verða þunga­miðja í nýrri Voga­­byggð.

Leið­rétt­ing: Í fyrstu útgáfu frétt­ar­innar mis­rit­að­ist að verk­fræði­stofan Efla hefði unnið mats­á­ætl­un­ina sem hér er til umfjöll­un­ar. Hið rétta er að Ver­kís vann mats­á­ætl­un­ina.