Ólafur Ragnar Grímsson, fyrrverandi forseti Íslands, lét appelsínugula veðurviðvörun á Höfuðborgarsvæðinu ekki koma í veg fyrir morgungönguna sína í morgun. Ólafur birti mynd úr göngunni þar sem má sjá mikið rigningarvatn á gönguleið hans.
Ólafur virðist hafa þann háttinn á að fara í göngu á morgni hverjum þegar hann dvelur á Íslandi og gengur þá Varmá í Reykjahverfi í Mosfellsbæ. Reglulega birtir hann myndir úr göngutúrnum og hefur hann vakið athygli á hversu mikið vatnsborðið hækkar í ánni í rigningaveðrum og hversu illa göngustígum í grennd við ánna er viðhaldið.
Appelsínugul veðurviðvörun er nú í gildi á Höfuðborgarsvæðinu sem og víðar um land.
Threatening the path about 400 meters downstream from our house. pic.twitter.com/J3EWvzYkUO
— Ólafur Ragnar Grímsson (@ORGrimsson) September 21, 2021