Valur tók á móti Víkingum í 7. umferð Pepsi-Max deildar karla. Leiknum lauk með 1-1 jafntefli.
Valsmenn byrjuðu leikinn af krafti en smám saman fóru Víkingar að taka yfir og voru sterkari aðilinn í fyrri hálfleik. Staðan var markalaus í hálfleik.
Kaj Leo braut ísinn og skoraði stórkostlegt mark þegar um tíu mínútur voru liðnar af seinni hálfleik. Víkingar sóttu stíft eftir markið og fengu nokkur góð færi til þess að jafna. Það tókst loksins á lokamínútu uppbótartímans þegar Nikolaj Hansen náði að koma boltanum í netið.
Valsmenn eru enn á toppi deildarinnar með 16 stig en Víkingar eru í 2. sæti með 15 stig.
Valur 1 – 1 Víkingur
1-0 Kaj Leo í Bartalsstovu (´56)
1-1 Nikolaj Hansen (´94)
