Tilkynnt var um líkamsárás í hverfi 110 í Reykjavík í dag. Veitti lögreglan meintum árásarmönnum eftirför frá vettvangi í gegnum Grafarvog, áleiðis upp í Mosfellsbæ og eftirförin endaði á Kjalarnesi, þar sem tveir menn voru handteknir, grunaðir um líkamsárás og akstur undir áhrifum vímuefna.
Þetta kemur fram í dagbók lögreglu í dag en þar segir einnig frá því að maður hafi sýnt af sér ógnandi hegðun í söluturni. Kom lögregla á vettvang til að tryggja öryggi og vísa manninum burt.