Barrett líklegust í sæti Ginsburg
Setja bókamerki
Dómarinn Amy Coney Barrett kemur helst til greina sem útnefning Donalds Trumps Bandaríkjaforseta í stöðu dómara við Hæstarétt Bandaríkjanna, samkvæmt nokkrum heimildarmönnum CNN. Tiltrú forsetans á Barrett styrktist eftir langan fund hans og Barrett í Hvíta húsinu í gær, að því er heimildarmennirnir greina frá.
Ruth Bader Ginsburg hæstaréttardómari lést á föstudag og hefur Trump velt fyrir sér mögulegum arftökum hennar síðan. Hann hefur ekki tekið lokaákvörðun og gæti skoðun hans breyst áður en hann tilkynnir tilnefningu sína á laugardag.
/frimg/1/23/6/1230605.jpg)
Samkvæmt heimildum CNN er nú fundur á milli Trumps og annars dómara sem hefur verið orðaður við embættið skipulagður. Sá dómari heitir Barbara Lagoa. Hún er einn af fimm kvenkyns dómurum sem Trump hefur velt fyrir sér en samkvæmt heimildum CNN hafa líkurnar á því að hann velji Lagou minnkað verulega síðan um helgina.
Tilnefningin gæti orðið umdeild
Barrett er 48 ára, kaþólsk og er líklegt að tilnefning hennar yrði umdeild þar sem hún þykir íhaldssöm. Var hún kjörin naumlega með 55 atkvæðum gegn 43, í umdæmisdómstól Bandaríkjanna í Chicago árið 2017 eftir tilnefningu Trumps.
Segja stuðningshópar þungunarrofs þar vestra að kjör hennar gæti orðið til þess að dómurinn líti framhjá dómafordæminu Roe gegn Wade, frá 1973, sem hefur gefið helsta fordæmið fyrir lögmæti þungunarrofs í Bandaríkjunum.
Nemendur í HÍ reistu tjaldbúðir án leyfis
Sex hafa greinst með listeríu
Kaldasti veturinn kom að óvörum
Mál hjúkrunarfræðingsins fer aftur fyrir héraðsdóm
Banna mengandi búnað sem leyfður er á Íslandi
Vonast til að tjaldbúðir við HÍ standi áfram
/frimg/1/48/74/1487454.jpg)
Heldur inn í nóttina tuttugu kílóum léttari