Miðstjórn Sjálfstæðisflokksins ákvað á fundi sínum á miðvikudag að fresta landsfundi, sem halda átti dagana 13.-15. nóvember, til næsta árs.
Ástæða frestunar fundarins er COVID-faraldurinn og þær takmarkanir sem eru í gildi á fjölda fólks sem koma mega saman.
Ákvörðun um dagsetningu fundarins verður tekin síðar en stefnt er að því að halda hann á fyrri hluta árs 2021, að því er Sjálfstæðisflokkurinn greinir frá.