Sakar Maradona um nauðgun
Setja bókamerki
37 ára gömul kona frá Kúbu segir argentínska knattspyrnusnillinginn Diego Armando Maradona hafa nauðgað sér þegar hún var 16 ára gömul.
Mavys Álvarez heitir konan og hún hefur gefið skýrslu hjá dómsmálaráðuneytinu í Argentínu samkvæmt frásögn Guardian. Yfirvöld í Argentínu eru með málið til rannsóknar en Maradona lést fyrir ári eins og mörgum lesendum er eflaust kunnugt um.
Álvarez og Maradona kynntust á Kúbu árið 2001 þegar Maradona sótti sér þar hjálpar vegna fíkniefnaneyslu. Þau munu hafa ferðast saman til Argentínu í framhaldinu.
Á fundi með fjölmiðlafólki í Argentínu lýsti Álvarez því yfir að Maradona hafi nauðgað henni þegar þau voru stödd í meðferðastofnuninni í Havana. Þar hefði móðir Álvarez einnig verið í meðferð.
„Ég var ekki lengur stúlka því ég hafði verið rænd sakleysinu. Það er erfitt,“ sagði Álvarez meðal annars en Maradona var fertugur þegar hún var 16 ára.
Eftir þetta áttu Álvarez og Maradona í sambandi í einhvern tíma. Hún hefur áður sagt að fjölskylda hennar hafi ekki fett fingur út í það, þrátt fyrir aldursmuninn, vegna vinskapar Maradona og Fidels Castro, þáverandi einræðisherra á Kúbu.
„Það er enginn að skjóta sendiboðann“
„Hætta á því að það dragi úr samstöðunni“
„Farnir að halda verðbólgunni uppi“
Kristrún og Bjarni tókust hart á um efnahagsmálin
„4-5% gólf sem við verðum bara að brjótast í gegnum“
Hættu við vopnasendingu til Ísraels
Sérkennilegt hjá borginni
Vill ekki „aumingjalegar“ lækkanir á röngum tíma