Mikil spenna er á toppi deildarinnar í Ligue 1 í Frakklandi. Paris Saint-Germain og Lille unnu sína leiki í dag.
PSG tók á móti Lens. Neymar og Marquinhos komu liðinu í 2-0 áður en gestirnir minnkuðu muninn með marki frá Ignatius Ganago. Lokatölur urðu 2-1.
Lille vann góðan 2-0 heimasigur á Nice. Burak Yilmaz kom þeim yfir snemma leiks og Mehmet Zeki Celik tvöfaldaði forystuna þegar rúmur hálftími lifði leiks. Lokatölur 2-0.
Lille er á toppi deildarinnar með 76 stig, stigi á undan PSG í sætinu á eftir. Monaco kemur þar á eftir með 71 stig en á leik til góða á bæði Lille og PSG. Æsispennandi lokakafli framundan í Frakklandi.