Arnar Pétursson úr Breiðabliki varð í dag Íslandsmeistari í 10 þúsund metra hlaupi karla en keppt var í greininni á Kópavogsvelli samhliða Íslandsmótinu í fjölþrautum sem þar hefur staðið yfir í gær og dag.
Arnar vann mjög öruggan sigur, hljóp vegalengdina á 32:44,50 mínútum. Þórólfur Ingi Þórsson úr ÍR varð annar á 34:32,42 mínútum og þriðji varð Goði Gnýr Guðjónsson úr Heklu á 39:42,75 mínútum.