Viðskipti innlent

Aug­lýsingar Sjó­vár taldar villandi

Viktor Örn Ásgeirsson skrifar
Húsnæði Sjóvár.
Húsnæði Sjóvár. Vísir/Vilhelm

Neytendastofa ákvarðaði nýlega að framsetning auglýsinga og markaðsherferðar tryggingafélagsins Sjóvár hafi verið villandi. Auglýstar voru kaskótryggingar fyrir ökutæki.

Tryggingafélagið Vörður kvartaði til Neytendastofu og sagði Sjóvá stunda óréttmæta og villandi viðskiptahætti vegna auglýsingarinnar. Í auglýsingunum stóð meðal annars: „Víðtækari kaskótrygging. Hjá Sjóvá er bíllinn þinn tryggður fyrir alls kyns tjónum sem ekki eru bætt annars staðar.“

Í auglýsingum Sjóvár var einnig gerður sérstakur samanburður á skilmálum trygginga annarra tryggingafélaga og taldi Vörður að um ólögmætar samanburðarauglýsingar væri að ræða.

Sjóvá bar fyrir sig að mistök hafi gerð með samanburðinum, enda hafi úreltar upplýsingar verið notaðar í einhvern hluta auglýsinganna. Strax hafi verið brugðist við mistökunum á viðeigandi hátt. Tryggingafélagið bar þá fyrir sig að meginskilaboð auglýsinganna væru efnislega rétt, þrátt fyrir mistökin.

Neytendastofa var þessu ekki sammála og komst að þeirri niðurstöðu að auglýsingarnar væru rangar og villandi, og til þess fallnar til að hafa áhrif á eftirspurn vara. Með hliðsjón af umfangi brotsins taldi Neytendastofa þó ekki rétt að beita sektum.

Ákvörðun Neytendastofu.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×