Nemandi í áttunda bekk í Varmárskóla í Mosfellsbæ hefur greinst með kórónuveiruna. Allir þeir sem voru útsettir fyrir smiti hafa fengið upplýsingar frá skólanum um að fara í sóttkví eftir leiðbeiningum og í samvinnu við smitrakningarteymi almannavarna.
Þetta kemur fram í tilkynningu skólastjóra til foreldra. Skólastarf verður áfram með eðlilegum hætti hjá öðrum nemendum.
Foreldrar eru hvattir til að kynna sér einkenni Covid-19 og halda nemendum heima ef þeir hafa einkenni.