Samkvæmt nýjustu tölum covid.is greindist hvorki smit innanlands né á landamærum í gær. Nýgengi smita á hverja 100.000 íbúa er enn 0,5 innanlands en 2,5 á landamærunum.
Alls eru ellefu manns í einangrun með virkt smit en sjö af þeim liggja á sjúkrahúsi. Tekin voru 353 sýni hjá Íslenskri erfðagreiningu og LSH en 187 sýni á landamærunum.
Stærstur hluti þeirra sem eru með virkt smit eru á aldrinum 18-29 ára og enginn yfir sjötugt er með smit.