Thomas Partey ferðaðist með Arsenal til Þýskalands í æfingaferð sem liðið heldur nú í.
Arsenal mun leika gegn Nurnberg á laugardag í æfingaleik.
Í gær var greint frá því að breska lögreglan hafi handtekið leikmann í ensku úrvalsdeildinni vegna gruns um nauðgun í síðasta mánuði.
Ensk blöð mega ekki nafngreina manninn af lagalegum ástæðum en segja þó að hann sé 29 ára gamall og að hann búi í Barnet í Norður-Lundúnum.
„Þessi alþjóðlega stjarna er einn af bestu leikmönnunum í sínu liði í úrvalsdeildinni,“ segir í fréttum.
Jafnframt er sagt frá því að hann sé frægur landsliðsmaður sem er á leið á Heimsmeistaramótið í Katar í lok þessa árs.
Partey fellur undir lýsingarnar hér að ofan en ferðaðist með Arsenal í æfingaferðina til Þýskalands.
Thomas Partey travelled to Germany for Arsenal's pre-season tour. He's currently with the squad. 🇬🇭 #AFC
— Chris Wheatley (@ChrisWheatley_) July 5, 2022