Á annan tug talin af eftir flugslys

Á annan tug eru talin af eftir flugslys sem varð í Rússlandi í morgun. Vélin hrapaði í Tatarstan í Rússlandi en rússneskir miðlar greina frá því að 23 hafi verið um borð í vélinni, þar af 21 fallhlífarstökkvari og tveir flugmenn. 

AFP segir að óttast sé að 16 séu látnir en ýmsir rússneskir miðlar vilja meina að sú tala sé nær 19. 

Í tilkynningu frá dómsmálaráðuneyti Rússlands segir að um sé að ræða L-410 flugvél sem hrapaði um klukkan 9:23 í morgun að staðartíma þegar hún flaug yfir Tatarstan.

Fleiri flugslys hjá sömu tegund

Tvö banvæn flugslys hafa orðið í Rússlandi fyrr á þessu ári þar sem flugvélar af sömu tegund gjöreyðilögðust.

Í tilkynningu frá dómsmálaráðuneytinu segir að sjö manns hafi verið bjargað úr flaki flugvélarinnar sem hrapaði í morgun. Þau eru öll á spítala og er ástand eins þeirra alvarlegt.

Hin sextán sýna engin lífsmörk og hefur neyðarmálaráðuneyti Rússlands staðfest að 15 þeirra séu látin.

Fréttin hefur verið uppfærð

• Blogga um frétt