Tekjur bakvarðarsveita hafi ekki áhrif á námslán

Tekjur námsmanna sem aflað er með vinnu í bakvarðarsveitum heilbrigðs- og velferðarþjónustu og lögreglunnar koma ekki til frádráttar við útreikning á framfærslu námsmanna skólaárið 2020-2021, óski þeir eftir því. Þetta kemur fram í tilkynningu Menntasjóðs námsmanna (áður LÍN), sem birt var í gær.

Þetta þýðir að námsmenn geta nú starfað fyrir bakvarðarsveitir landsins áhyggjulausir um að námslán þeirra skerðist vegna aukatekna sem starfinu fylgja. Borið hefur á ósætti milli nemenda í heilbrigðisvísindum og Menntasjóðsins vegna námslánaskerðinga á grundvelli aukatekna og hafa einhverjir hætt við að skrá sig í bakvarðarsveitir vegna þessa.

Frétt af mbl.is

Grunnframfærsla enn of lág

Þá hefur verið ákveðið að námsmenn sem fá greiddan út séreignasparnað á árinu 2020 geta óskað eftir því að hann verði einnig undanþeginn við útreikning á námsláni. Auk þess hefur frítekjumark námsmanna sem sækja um námslán eftir námshlé eða hafa ekki verið á námslánum á síðasta skólaári verið hækkað úr þreföldu í fimmfalt, með það fyrir augum að koma til móts við námsmenn sem koma af vinnumarkaði.

Frétt af mbl.is

Frítekjumarkið úr þreföldu í fimmfalt

Menntasjóðurinn hefur einnig framlengt umsóknarfrest um námslán fyrir haustönn 2020 til 1. desember. Sækja verður um lækkun tekna við útreikning námslána vegna launa við vinnu í bakvarðarsveit og vegna úttektar á séreignarsparnaði með því að senda tölvupóst á menntasjóður@menntasjóður.is.

• Blogga um frétt