Áhöfn þyrlu Landhelgisgæslunnar, TF-EIR, notast við slökkviskjólu sem tekur rúma 1.600 lítra af vatni við slökkvistarfið í Heiðmörk vegna sinubruna sem varð þar fyrr í dag. Vatnið er sótt í Elliðavatn, að sögn Ásgeirs Erlendssonar, upplýsingafulltrúa Gæslunnar.

Frétt af mbl.is

Sinubruni í Heiðmörk

Þyrlan á flugi yfir Heiðmörk. mbl.is/Eggert Jóhannesson

Þegar vatnið er sótt hangir skjólan í þyrlunni, eins og sést í meðfylgjandi facebookfærslu Gæslunnar, sem var birt eftir að eldur kviknaði í mosa við Búrfell fyrir tveimur dögum. Að því loknu er flogið yfir staðinn þar sem slökkva þarf eldinn og skjólunni sleppt.

Þetta er því í annað sinn á skömmum tíma sem þyrla Gæslunnar er kölluð út vegna slökkvistarfs.

Tengdar fréttir

Gróðureldar á Íslandi

Hætta á gróðureldum á Austurlandi

• Gróðureldur í Mosfellsbæ
• Gras, fíflar og lúpína skotið upp kollinum
• Hættustigi aflétt á sunnanverðu landinu
• 31 hektari brunnið við gosstöðvar

» Fleiri tengdar fréttir

• Blogga um frétt