Leit hefur verið hætt eftir að mikið snjóflóð ruddist yfir þjóðveg í Tíbet á þriðjudagskvöld, en 28 eru taldir af ef marka má kínverska ríkismiðilinn Xinhua.
Flóðið varð við gangamunna í suðausturhluta landsins og olli því að fjöldi fólks festist í bifreiðum sínum.
Kínversk stjórnvöld sendu viðbragðssveit til landshlutans á miðvikudag, en leit var hætt í gær klukkan 17.30 að staðartíma.
Kröftugir vindar og aukin hlýindi eru talin hafa hrundið flóðinu af stað.
Snjóflóð eru algeng í Himalaja-fjallgarðinum, þar sem finna má hæstu tinda jarðarinnar.