Leikstjóri Notting Hill látinn

Leikstjórinn Roger Michell er látinn 65 ára að aldri. Michell var þekktastur fyrir að leikstýra kvikmyndinni Notting Hill sem kom út árið 1999 og skartaði Juliu Roberts og Hugh Grant í aðalhlutverki. 

Útgefandi Michell greindi frá andláti hans, en hann lést í gær, miðvikudag. Ekki hefur verið greint frá dánarorsök. 

Notting Hill er ein söluhæsta rómantíska gamanmynd sem framleidd hefur verið í í Bretlandi. Auk kvikmyndarinnar leikstýrði hann kvikmyndinni Morning Glory með þeim Harrison Ford, Diane Keaton og Rachel McAdams í aðalhlutverki. 

Michell fæddist í Suður Afríku en faðir hans var breskur. Fjölskyldan fluttist seinna til Bretlands. Hann menntaði sig í Cambrigde háskóla og var aðstoðarleikstjóri í Royal Court Theather um tíma.

Hann lætur eftir sig fjögur börn, Harry, Rosie, Maggie og Sparrow sem hann átti með tveimur fyrrverandi eiginkonu sínum Kate Buffery og Önnu Maxwell Martin.

BBC

• Blogga um frétt