Innkalla Tahini Sesam Mus vegna salmonellu

Miðausturlandamarkaðurinn hefur stöðvað sölu og innkallað frá neytendum Tahini Sesam Mus 800 g, að höfðu samráði við Heilbrigðiseftirlit Reykjavíkur.

Ástæðan er sú að salmonella greindist í vörunni og bakterían valdið alvarlegum sýkingum í mönnum, að því er segir í tilkynningu frá Heilbrigðiseftirliti.

Miðausturlandamarkaðurinn, Lóuhólum 2-4, sér um dreifingu og eru viðskiptavinir sem keypt hafa vöruna beðnir um að neyta hennar ekki og farga, en einnig má skila henni í verslunina gegn endurgreiðslu.

• Blogga um frétt